Со носталгија ќе ги разгледате фотографите од обединувањето на актерите од „My Best Friend’s Wedding“. Ѕвездите од филмот, кој се вбројува меѓу најпопуларните романтични комедии, се сретнаа повторно 22 години по премиерата.
Џулија Робертс, Камерон Дијаз, Дермот Малруни и Руперт Еверет снимија фотосесија за EW, на огромна радост на обожавателите на популарниот филм.
Во интервјуто за списанието, 51-годишната Робертс го коментираше филмот и поконкретно сцената кога му кажува на нејзиниот најдобар пријател дека е заљубена во него. „Сметав дека е смешен и итар. Ја обожавав целата физичка комедија. Многуте паѓања... Сцената која според мене го направи многу автентичен е кога јас конечно му кажувам на ликот на Дермот: ‘Избери ме мене. Дозволи ми да те усреќувам’. Тоа беше толку компактно, слатко и значајно“ – рече таа.
46-годишната Дијаз сподели дека нејзината снаа Никол Ричи е опседната со филмот. „Мојата снаа е опседната со филмот. Отидовме во Чикаго пред околу година и половина и таа ме однесе на секоја локација од снимањето“ – рече таа.
Трејлер за „My Best Friend’s Wedding“
