Мила Јовович присуствуваше на премиерата на последниот дел од филмската серија „Resident Evil“. На настанот во Токио, 40-годишната актерка со себе ја понесе и својата мала ќерка.
Филмската ѕвезда се појави во кадифен фустан со висок шлиц и длабоко деколте. Креацијата доаѓа од колекцијата висока мода есен/зима 2016 на либанскиот дизајнер Ели Сааб.
Деветгодишната Евер Габо гордо позираше покрај својата славна мајка и им се смешкаше на фоторепортерите. Таа исто така беше облечена во слатко фустанче од актуелната колекција на Сааб.
Евер веќе ги следи стапките на мајка си. Во „Resident Evil: The Final Chapter“, влезе во улогата на Црвената Кралица – злобен суперкомпјутер олицетворен во малото девојче.
