Жизел повторно е најплатен модел на светот

Forbes ја објави овогодишната листа на најплатени модели на светот. Рангирањето е направено според проценетата заработката на секој од моделите во периодот од јуни 2009 до јуни 2010 година.

И повторно нема изненадувања. Жизел Бундхен и Хајди Клум застанаа на чело на листата.

Тоа што е нова мајка воопшто не ѝ попречи на Жизел уште еднаш да биде прогласена за најплатен модел на светот. 29-годишната манекенка го роди своето прво дете во декември, но брзо се врати во форма за да ги исполнува своите ангажмани во светот на модата. Во изминатава година Жизел остварила проценета заработка од 25 милиони долари.

1. Жизел Бундхен

Германскиот модел Хајди Клум е втора на листата со заработка од 16 милиони долари. Пред половина година бевме сведоци на нејзиното големо враќање на модната писта на ревијата на Victoria’s Secret, каде што се појави во улога на водителка само 5 недели по раѓањето на нејзиното 4-то дете.

2. Хајди Клум

Кејт Мос е рангирана на третото место со заработка од 9 милиони долари. И покрај многуте скандали сврзани со неа, 36-годишната Мос успеа да остане меѓу наплатените модели на светот.