Кетрин Зета-Џонс изгледаше беспрекорно на црвениот тепих и коктел-забавата на настанот Mipcom во Кан.
48-годишната актерка ја покажа витката фигура во гламурозен, црн фустан на Зухаир Мурад. Делумно проѕирната креација со длабоко деколте на либанскиот дизајнер ги истакна облините на славната актерка, а модните критичари изјавија дека Зета-Џонс изгледаше подобро отсекогаш.
Пред коктел-забавата, актерката позираше во уште една елегантна, црна креација на модната куќа Cushnie et Ochs. Зета-Џонс го промовираше својот најнов филмски проект „Cocaine Godmother“, чија премиера е закажана за 2018 година. Филмот во кој таа ја игра главната улога го проблематизира животот на Гризелда Бланко, позната како кума и кралица на кокаинот во Мајами.
