„Inception“ и Џони Деп на врвот на топ листите на IMDB

Веб сајтот IMDB вчера ги објави листите за топ 25 филма и топ 25 ѕвезди за 2010 година, кои се создадени врз база на рејтинзите и гласовите дадени од посетителите на сајтот, како и нивното пребарување.

Филмот „Inception“ беше избран за најдобар филм за оваа година. Дури три цртани филма добија место меѓу првите пет. Така, „Toy Story 3“ се најде на второ место, „How to Train Your Dragon“ на четврто место, а „Tangled“ на петто место.

„Inception“ е најдобар филм за 2010

Филмот за социјалната мрежа Facebook, наречен „Social Network“, го има третото место.

Џони Деп е на врвот на листата на 25-те најдобри актери за 2010г. 47-годишниот актер му го одзеде првото место на Роберт Патинсон, кој беше прв на листата минатата година.

Иако новото продолжение на „Twilight“ не успеа да си обезбеди место на листата на најдобри филмови, главните актери Кристен Стјуарт и Роберт Патинсон ги добија соодветно второто и третото место на листата на топ 25 ѕвезди.

На четврто место на листата на ѕвездите се најде Леонардо ДиКаприо, а на петто Бред Пит.