Coldplay објави еден од видеозаписите за музичката соработка со Ријана. Во видеото, кое не е официјален спот за песната „Princess of China“, Ријана позајмува инспирација за својот стил од источните култури.
Заземајќи поза на божица, Ријана грациозно ги движи рацете со екстремен маникир. Во одредени кадри РиРи носи и виолетово кимоно и има фризура на гејша.
Видеото ќе биде прикажувано за време на настапите на Coldplay на нивната претстојна турнеја.
„Princess of China“ е дел од најновиот петти студиски албум на Coldplay, „Mylo Xyloto“.
