„Burberry“ ги објави фотографиите од божиќната рекламна кампања снимена со Наоми Кембел, Роузи Хантингтон-Вајтли, Ромео Бекам и Џејмс Беј.
Синот на Дејвид и Викторија и минатата година беше ѕвезда во празничната кампања, па популарниот бренд не пропушти и оваа година да го покани 13-годишното момче да гостува во ѕвездената кампања.
Фотографиите се снимени под палката на Марио Тестино.
Во кампањата учествуваат и Мишел Докери, Елтон Џон, Џорџ Езра, Џејмс Корден и Џули Волтерс. Краткиот празничен филм кој ќе биде објавен денес е инспириран од „Billy Elliot“.
Рекламната кампања е со хумана цел. Британскиот бренд ќе донира 500.000 фунти во две хуманитарни организации. Исто така, сите ѕвезди кои се вклучени во божиќната кампања избрале да ја донираат својата заработка.
