Претседателот Стево Пендаровски и Првата дама Елизабета Ѓоргиевска присуствуваа на одбележувањето на 41-вото издание на ИФФК „Браќа Манаки“.
Во услови на пандемија, беше откажана планираната програма и очекуваниот црвен тепих и традицијата беше продолжена со централен настан во Градот на конзулите.
На свеченоста во Пациото на Музејот на Битола, проф. д-р Ѓоргиевска се појави во креација од македонската дизајнерка Лидија Георгиева. Коктел фустанот со долги ракави е во прекрасна нијанса на син муслин.
„Инспирирани од годинешната девиза на фестивалот ‘Glance Over The Fence’, сакавме да одиме со боја на визионерство, слобода и иднина, како бојата на небото“ – сподели дизајнерката за Femina.mk.
Пендаровски, како покровител на Фестивалот, одржа говор пред публиката од само 80 лица.
Почитувани вљубеници во магијата на подвижните слики, почитувани организатори на фестивалот „Браќа Манаки“, почитувани лауреати. Дозволете да ве поздравам како покровител на првиот, и меѓу стотиците филмски фестивали, еден од само неколкуте во светот, кои се фокусирани на кинематограферите, фестивалот на филмската камера „Браќа Манаки“.
Станува збор за еден од најзначајните културни настани во нашата земја, настан во кој е вткаена богата историја, многу ентузијазам и љубов кон филмската уметност. Благодарение на овој фестивал, Битола и нашата држава се препознаени во светот на седмата уметност.
За жал годинава го нема црвениот тепих и препознатливиот гламур пред Центарот за култура во Битола, ги нема филмските проекции и полните кино сали, ги нема драгите гости од светот на филмот. Пандемијата со КОВИД-19 ги промени сите планови и предвидената програма за 41-вото издание на „Браќа Манаки“. Сепак, традицијата продолжува, и во скратена и во изменета форма, фестивалот и натаму живее.
Пендаровски
