ФОТО: Најплатените мажи модели на светот 2013

Жените се многу подобро платени од мажите кога станува збор за професијата модел. Според списанието Форбс, десетте најплатени мажи модели во периодот од септември 2012 до септември 2013 заработиле вкупно 8 милиони долари, додека десетте најплатени жени модели за година дена кеширале 83 милиони.

Заработката од 1,5 милиони долари на најплатениот машки модел Шон О’Прај е далеку од малото богатство од 42 милиони долари кое го заработила најплатената Жизел Бундхен.

Погледнете кои се најплатените мажи модели:

Шон О’Прај

1,5 милиони долари

Шон влегол во модната индустрија благодарение на своите матурски фотографии на MySpace. Оттогаш 24-годишниот Американец се има појавено во бројни едиторијали и кампањи на светски познати брендови како Calvin Klein, Giorgio Armani, Versace, Ralph Lauren, H&M, Dolce & Gabbana, Armani Jeans, Marc Jacobs, Emporio Armani и Zara.

2. Дејвид Ганди

1,4 милиони долари

Ганди е еден од најпознатите модели во светот, а стекна светска слава со кампањата на Долче и Габана за парфемот „Light Blue“. 33-годишниот Британец има соработувано со многу брендови меѓу кои Hugo Boss, Banana Republic и Massimo Dutti, а пишува за мода во британскиот Vogue и GQ.

3. Сајмон Несман

1,1 милиони долари

Сајмон е добро познато лице на Џорџо Армани. 23-годишниот Канаѓанец со својот уникатен спој на мажественост и сензуалност ги освои и Givenchy, Versace, Calvin Klein, Ralph Lauren, Lanvin, Saint Laurent и Gap, а редовно може да го видите во познатите списанија GQ, Vogue Hommes и W.

4. Артур Кулков

905.000 долари

30-годишниот Русин пред две години стана заштитно лице на Dolce & Gabbana, а има соработувано и со Tommy Hilfiger, Barneys, Sisley и Russell & Bromley.

5. Ноа Милс

740.000 долари

Ноа ја започнал својата кариера во 2003 година. 28-годишниот Канаѓанец постојано учествува во ревиите на Dolce & Gabbana, Versace и Michael Kors, а беше дел и од рекламна кампања на D&G задно со Клаудија Шифер и Наоми Кембел.