Дејвид Бекам ја остави зад себе фудбалската кариера, но не се откажува од дизајнирањето. 38-годишната ѕвезда ја објави својата најнова колекција за H&M.
На фотографиите од есенската кампања, Бекам носи боксерици и лежерна облека од колекцијата David Beckham Bodywear за шведскиот моден бренд.
Покажувајќи го своето тонирано тело и бројните тетоважи, Дејвид позира во спортска соблекувална.
Новите парчиња облека се повлијаени од спортскиот стил, што е и очекувано кога доаѓаат од долгогодишен успешен фудбалер.
Бекам веќе неколку сезони ја збогатува модната понуда на H&M и ги привлекува женските погледи со жешки промотивни фотографии.
