Софи Валкиерс е модна блогерка и ѕвезда на уличната мода позната по колоритниот стил и незапирливата желба за стилски експерименти.
Белгиската блогерка која живее во Антверпен го покажа својот плакар исполнет со куп дизајнерски обувки, облека и впечатливи модни додатоци.
„Сметам дека немам униформа, зашто униформите за мене звучат здодевно – да го носиш горе-долу истото секој ден. Сакам да ги менувам работите и да пробувам нови. Не сум обожавателка на нормкор“ – изјавила Софи, коментирајќи го својот стил во интервју за „The Coveteur“.
„Лакот за нокти не е скап, па на почетокот кога бев студентка и немав голем буџет за нова дизајнерска чанта, а сепак сакав да го променам изгледот, си купував нов лак за нокти. Тоа е мал секојдневен луксуз и го комплетира изгледот. Зависна сум од тоа. Ако имав време, секој ден би носела различна боја“ – рекла таа за својата голема колекција лакови.
