Венчаниците од колекцијата 2016 на Pronovias се беспрекорно елегантни од секој агол. Белата модна бајка на прв поглед ќе ги освои невестите со префинет вкус, кои сакаат да мамат воздишки на својот специјален ден.
Хармоничниот спој на флуидни линии, комплексни детали и луксузни ткаенини ја издигнува на пиедестал женственоста. Моделите варираат, но подеднакво атрактивни се и оние со силуета тип „сирена“ и оние со силуета „принцеза“.
Каталошките фотографии се доказ дека од ателјето на шпанскиот бренд повторно излегоа невестински фустани во кои секоја жена со огромно задоволство би го изговорила најзначајното „ДА“ во својот живот.
