Роузи Хантингтон-Вајтли, која наскоро ќе стане мајка, го прослави својот 30. роденден.
Првиот чекор во модниот свет убавата Англичанка го направи на 15-годишна возраст, а само една година подоцна, таа го доби својот прв поголем моден ангажман за брендот Levi’s.
Во 2006 година, Роузи склучи договор со Victoria’s Secret и истата година дефилираше на спектакуларното шоу на познатиот бренд за долна облека.
По четири години соработка, славната манекенка ги доби своите „крилја“ и стана дел од атрактивните ангели на VS, но по кратко време се откажа од таа титула.
Хантингтон-Вајтли плива и во дизајнерските води. Таа веќе неколку години дизајнира долна облека за Marks & Spencer и креира модни колекции во соработка со брендот Paige.
Роузи се обидува да се пробие и во филмската индустрија. Славната свршеница на актерот Џејсон Стејтам имаше улоги во филмовите „Mad Max: Fury Road“ и „Transformers: Dark of the Moon“.
За холивудските свечености, таа неретко избира креации кои го истакнуваат нејзиното тонирано тело. Па, по повод 30-тиот роденден на привлечната манекенка, потсетете се на 30 од нејзините највпечатливи стилски моменти.
