Шери Хил не ги разочара своите клиентки со најновата колекција. Дизајнерката, која стекна светска слава со креирањето на матурски фустани за модерни принцези и впечатливи фустани кои често ги истакнуваат фигурите на мисиците, ја претстави колекцијата пролет 2017.
Дводелни креации со бохо принтови, сирена силуети, сексапилни шлицови и длабоки деколтеа, цветни апликации и везови... разнообразната колекција е склопена со идејата да одговори на стилските желби на секоја припадничка на понежниот пол.
Иако креациите беа обелоденети пред само неколку часа, огромниот интерес е показател дека ќе бидат хит.
