Лили Олдриџ е ангелот кој годинава ќе го носи градникот од фантазиите на Victoria’s Secret. На првите фотографии, 29-годишната манекенка позира заводливо во креацијата Fireworks Fantasy Bra.
Блескавиот градник е изработен од повеќе од 6.500 скапоцени камења како дијаманти, сини топази и жолти сафири и 18-каратно злато, а чини 2 милиони долари.
Олдриџ ќе го носи градникот на претстојното шоу на познатиот бренд за долна облека.
„Вог“ објави кратко видео во кое Лили танцува додека го носи скапоцениот градник.
Минатата година VS претстави два граници од фантазиите, кои ги носеа Адријана Лима и Алесандра Амбросио.
