Ели Сааб ја преточи магијата на Ориентот во софистицирани креации презентирани во Париз.
На ревијата за колекцијата висока мода есен/зима 2019, либанскиот дизајнер ја претстави жената како кралица и како воинствена хероина. Многу од фустаните беа инспирирани од јапонското кимоно.
Наизменичната употреба на свила и кадифе внесе динамика во колекцијата, а интригантните везови ја зачинија со кралска префинетост.
Од модната куќа велат дека инспирацијата е Кина и Источна Азија, односно од културите кои се богати со цртежи со симболизам и стории пренесувани од генерација на генерација.
