За време на нејзината официјална соло турнеја во Данска, војвотката Кетрин оствари средба со принцезата Мери и кралицата Маргарете II.
40-годишната британска Војвотка и 50-годишната данска Принцеза изгледаа елегантно додека љубезно ги поздравуваа нивните фанови и фоторепортерите пред да се упатат на ручек во Амалиенборг, домот на данското кралско семејство.
И двете дами носеа облека во неутрални бои. Палтото на Кетрин го потпишува Кетрин Вокер, обувките ѝ се од Џанвито Роси, а црната чантичка е од модната куќа Mulberry.
Кетрин и Мери посетија и центар за згрижување на жени и деца кои се жртви на насилство.
Целта на посетата на Кетрин на Данска е одблиску да се запознае како оваа модерна земја го стимулира раниот развој кај децата.
