На Миланската недела на модата, беше резервиран термин за ревија на модната куќа Max Mara.
Италијанскиот бренд ја презентираше колекцијата пролет/лето 2019 со помош на актуелни модели како Ирина Шајк, Џиџи Хадид и Каја Гербер кои дефилираа на пистата во нови шик креации.
Ирина зрачеше со одмерен сексапил во црн фустан на едно рамо и проѕирни ракавици.
17-годишната ќерка на Синди Крафорд мамеше погледи во ведра жолта комбинација, а потоа зачекори и во темно издание.
На армијата модели ѝ се придружи и Џоан Смолс.
Во колекцијата, инспирирана од грчката митологија и силни женски воини, доминираа црната, маслинесто-зелената, кафеавата и жолтата боја.
