Сонувајќи за еден подобар свет, Рами Кади ја создаде својата нова колекција висока мода за сезоната есен/зима 2021.
Познатиот либански дизајнер ја презентираше оптимистичката колекција „Dessiner Le Vide“ со фотосесија и видео. Дваесет впечатливи креации им ги привлекуваат љубопитните погледи на дамите кои копнеат за женственост и елеганција.
Сакајќи да ја остави зад себе силната експлозија која го потресе Бејрут, Рами ни претставува еден нов свет полн со оптимизам и ветување за подобри времиња.
Фотосесијата се снимала во хотелот „The Grand Sofar“ изграден во 1892 година, а бил оштетен од експлозијата.
„Заспавме во свет полн со живот, надеж и соништа, а се разбудивме во крвав свет лишен од сигурност, радост и мир на умот. На 4 август 2020 година, масивна експлозија го уништи Бејрут, празнејќи го од последниот здив на живот за кој се држеше против ужасната пандемија која ни го промени животот и силно влошената локална економија.“
„Празнотијата создадена од тие настани го инспирираше либанско-американскиот дизајнер Рами Кади да создаде нов свет надвор од празнотијата и да го наслика со ветувачка перспектива“ – пишува во описот на колекцијата.
Сјајот на кристалите на секоја од креациите создава чувство на оптимизам и можности.
