Рами Кади „нурна“ во времето на стариот Холивуд за да создаде колекција висока мода која зрачи со безвременска грациозност.
Либанско-американскиот дизајнер нè враќа во класичната епоха, соединувајќи ги минатото и сегашноста низ креациите од колекцијата „Film Noir“. Неговите модни дела преплетуваат елеганција и софистицираност за да ги освојат припадничките на понежниот пол кои се стремат кон женствен изглед.
„Капејќи се во безвременскиот шарм на стариот Холивуд, Film Noir служи како носталгично љубовно писмо до една ера одбележана од волшебни приказни и артистично истражување. Колекцијата нè транспортира во оваа класична епоха, спојувајќи ги минатото и сегашноста во евокативен моден наратив“ – стои во описот на колекцијата.
