Близначките Амелија и Елиза Спенсер со своето појавување додадоа гламур и елеганција на втората вечер на Канскиот филмски фестивал.
На црвениот тепих пред премиерата на филмот „Top Gun: Maverick“, внуките на принцезата Дијана мамеа воздишки во креации од Alberta Ferretti.
Амелија носеше црн плисиран фустан на едно рамо, кој го надополни со смарагден накит, додека Елиза избра креација со кристали и разголен грб.
Амелија и Елиза се ќерки на Ерл Спенсер, братот на принцезата Дијана.
