Емануел и Брижит Макрон се во официјална посета на САД. Првиот пар на Франција беше пречекан од Доналд и Меланија Трамп во Белата куќа.
Првата средба на славните двојки вклучуваше засадување на дрво, кое е подарок од Макрон.
Иако требаше да чекорат на тревник, Меланија и Брижит не се откажаа од високите штикли. Меланија носеше црни „лобутинки“ и фустан од Долче и Габана. Со цел да им оддаде чест на своите француски гости, 47-годишната прва дама на САД дипломатски избра наметка од Живанши.
Брижит ѝ остана верна на модната куќа Луј Витон, која беше задолжена за целиот нејзин аутфит.
Откако четворицата позираа пред фоторепортерите, со хеликоптер заминаа на вечера во Маунт Вернон.
Брачниот пар Макрон беше фотографиран и за време на пристигнувањето и на прошетка во Вашингтон. И за таа прилика Брижит носеше палто од Луј Витон.
