Глазгов, најголемиот град во Шкотска, оваа година е домаќин на конференција на Обединетите нации посветена на климатските промени.
На самитот присуствуваа светски лидери со цел итно да се преземат поголеми мерки во справувањето со климатските промени. Едни од нив беa принцот Вилијам и војвотката Кетрин.
На вечерата, 39-годишната војвотка пристигна во фустан во кралска сина боја од Eponine. Својот моден избор, Кетрин го надополни со тегет салонки од Rupert Sanderson.
И принцот Чарлс и војвотката Камила беа присутни на самитот.
Проблемите предизвикани од глобалното затоплување ќе се дискутираат на конференцијата од 31 октомври до 12 ноември.
Главна цел на конференцијата за климатски промени на Обединетите нации (COP26) е да се забрза исполнувањето на целите од Парискиот договор од пред 6 години, за одржување на растот на температурата под 1,5 степени, со демонстрирање на нивната посветеност за „нето нулта стапка на емисии на штетни гасови” и заложба земјите да престанат да го употребуваат јагленот.
