Љубителите на кафе можат слободно да уживаат во секоја голтка знаејќи дека кафето ќе им помогне да го заштитат срцето, тврдат научниците.
Истражување на одделот на медицинскиот конзорциум Kaiser Permanente во Калифорнија, покажа дека луѓето кои редовно консумираат кафе имаат помали шанси да бидат примени во болница заради нерегуларен ритам на срцето.
Група научници, предводени од кардиологот д-р Артур Клатски, набљудувале 130 054 мажи и жени на возраст од 18 до 90 години. Нивниот заклучок бил дека кај луѓето кои консумирале 4 или повеќе кафиња дневно, ризикот за појава на проблеми со ритамот на срцето се намалил со 18%.
Досега многупати истражувачите докажувале дека кафето го заштитува срцето. Истражување во Мадрид, Шпанија, покажало дека консумацијата на 3 кафиња дневно го намалува ризикот за смртност од срцеви болести кај жените со 25%.
Па, пијте го утринското кафе со мислата дека со тоа му помагате на срцето.
