Женскиот вкус за изгледот на привлечните мажи со текот на времето се менува. Во минатото жените избирале помажествени мажи со поширока вилица, ниски веѓи и тенки усни, затоа што се сметало дека имаат посилни гени и можат да имаат посилни потомци.
Но, денес жените претпочитаат „поженствени“ мажи, т.е. мажи со понежни црти на лицето. Експертите сметаат дека една од причините за ваквиот тренд е подобрувањето на здравствениот систем и целосното здравје.
За да ја докажат оваа теорија, истражувачите од Универзитетот во Абердин испитувале 5000 жени од 30 држави од светот. Тие откриле дека кога здравствената состојба во државата е лоша, жените се склони да избираат помажествени мажи со кои би имале посилни бебиња. Од друга страна, во државите каде што болестите се сè поретки и животниот век се зголемува, жените преферираат понежни мажи.
„Резултатите покажуваат дека како што се подобрува здравствената нега, така мажествените мажи се помалку омилени. Ова можеби дава објаснување зошто филмски ѕвезди како Џони Деп и Орландо Блум се попопуларни во споредба со Кларк Гејбл и Шон Конери“ – изјавила Лиса ДеБруин, која го предводела истражувањето.
