На прв поглед уметничките дела на Пол Каден изгледаат како црно-бели фотографии. Но, вистината е дека тие се резултат на неговите талентирани раце. Сликите на 47-годишниот уметник се инспирирани од вистински фотографии, но тој ги црта до најмал детаљ, често користејќи само молив.
Без оглед дали станува збор за бројните брчки по лицето на стар човек, чадот од запалена цигара или за капки вода кои течат по нечие лице, Каден знае да направи деталите на неговите дела да изгледаат неверојатно реалистични.
„Иако цртежите и сликите кои ги правам се базирани на серија од фотографии или кадри од видеа, уметноста создадена од фотографијата е искористена за креирање на понежен и покомплексен фокус на нацртаниот субјект, презентирајќи го како жив реален објект“ – изјавил Пол за својата уметност.
Секој од цртежите е многу длабок и неспорно е дека талентот на Пол заслужува големи пофалби.
