Милиони посетители секоја година остануваат маѓепсани од снежните скулптури во Харбин, Североисточна Кина, каде се одржува Меѓународниот фестивал на мразот и снегот.
Вчера беше големото отворање на 29. издание на фестивалот. До наредниот месец посетителите ќе имаат можност да уживаат во над 2.000 скулптури направени од снег и мраз.
Најголемата снежна скулптура е долга 120 метри, додека „Кристалниот замок“ направен од мраз е висок 48 метри.
Скулптурите изгледаат волшебно во текот на ноќта, кога се осветлени од светла во различни бои.
Погледнете видео од ледените скулптури:
