Флексибилноста е една од карактеристиките кои најмногу се ценат во современите компании. Па, гумената жена одлучи да го искористи концептот „флексибилност на работното место“ за својот нов календар за 2013 година.
„Повеќето шефови сакаат нивните вработени да бидат пофлексибилни на работното место. Се надевам дека преку мојот календар ќе ги инспирирам вработените да станат пофлексибилни“ – изјавила Злата, објаснувајќи ја темата на новиот календар.
За фотографиите флексибилната Русинка, чие вистинско име е Јулија Гантел, позира во канцеларија, облечена во бизнис облека и застаната во невообичаени пози.
Злата е позната низ цел свет поради својот несекојдневен талент, кој ѝ дозволува да се витка како да е направена од гума.
„Овие пози се природни за мене. Понекогаш ми е малку непријатно ако треба предолго да се задржам во одредена поза за време на фотосесија. Но, сметам дека тоа е исто како некој да стои предолго на нозе – мускулите се згрчуваат. Не држам диета, но тренирам многу напорно за да ги одржам мускулите во форма и да бидам што пофлексибилна“ – изјавила таа.
Погледнете што сè може да направи гумената Русинка:
