Џоан МекДоналд е доказ дека никогаш не е предоцна за промени во начинот на живот, во начинот на размислување и во изгледот.
Инспиративната жена, која набрзо ќе го прослави 74-от роденден, започнала да тренира пред само 4 години, а изгледа одлично. Џоан го започнала нејзиното фитнес патување откако докторот ѝ рекол дека мора да ги зголеми лекарствата кои ги прима. Бидејќи знаела дека причина за тоа е зголемената тежина, таа одлучила да го промени начинот на живот.
Со помош на нејзината ќерка Мишел, Џоан започнала да тренира, да јаде по пет здрави и балансирани оброци на ден и да се грижи за себе. Тогаш таа тежела 89 килограми, а сега 59.
Вчера, таа сподели фотографија на која позира со ќерка си, а во описот се пофали дека двете тежат исто.
Ете така народе, сега тежам исто колку ќерка ми. 59 килограми! Кој би помислил?
Мојот единствен совет до сите вас е да не се фокусирате на вашите цели, туку да се фокусирате на вашите секојдневни навики кои патем треба да ги совладате. Исто така запомнете дека не е вашето тело она што излезе од форма, туку вашиот ум. Ако навистина сакате да направите трајни промени, морате да се погрижите за вашиот начин на размислување и да се опкружите со луѓе и идеи кои ве инспирираат...
Лично јас никогаш немав цел да бидам иста големина како Мишел. Само сакав да ги намалам лекарствата кои ги примав и да уживам во пензионирањето. Четири години подоцна конечно имам пензионерски живот од соништата: смеа, патување, добри разговори, откривање нови хобија, едноставно вљубена сум во тоа што сум повторно жива. Сето ова е затоа што си го променив начинот на размислување.
Тоа што сум големина 4 (36) е само шлаг на тортата.
Во неодамнешно интервју, Џоен рекла:
„Имав 70 години кога го започнав моето патување. Бев кај мојот доктор и тој ми рече дека сака да ги зголеми моите лекарства. Не сакав да учествувам во тоа. Бев многу вознемирена и имав нова одлучност да ослабам. Знаев дека слабеењето ќе ми помогне да се тргнам од лекарствата“.
За нејзината исхрана, таа вели: „Започнав да јадам 5 балансирани оброци на ден. Пред вежбање и по вежбање, и три други оброци. Порано, јадев по 3 оброци на ден, но не знаев како да ги разделувам оброците на протеини, масти и јаглехидрати. Исто така не јадев многу “.
За почетокот на тренинзите, Џоан споделува: „Започнав со кардио тренинзи секој ден, а тренирав со тегови само 4 дена неделно“.
Во моментов неа ја следат повеќе од 1,1 милион обожаватели.
