Многумина онлајн немарно се расфрлаат со негативни коментари и навреди за туѓите тела, без да се замислат колку многу им наштетуваат на лицата за кои се адресирани тие зборови. Ниту една од најуспешните скијачки на светот не остана незасегната од „сајбер булингот“.
Линдзи Вон реши да возврати на сè повеќето навреди кои ги добива. Славната Олимпијка, која може да се пофали со бројни златни медали, сподели фотографии на кои гордо го покажува целулитот и „витките“ на стомакот, заедно со позитивна порака:
Во изминатиот период, објавив неколку фотографии во костими за капење, што е пострашно одошто можете да си замислите. Дури и како спортистка со соочувам со безмилосни коментари и стории во медиумите кои го „растргнуваат“ моето тело и признавам, тоа понекогаш ме боли.
Јас сум нормална личност и понекогаш се свиткувам, стомакот ми се превиктува, ми се познава целулитот на задникот или не го исполнувам добро горниот дел од бикините... Но, секогаш се потсетувам како моето тело ми помогна да постигнам неверојатни нешта во животот и се гордеам колку сум силна.
Не сум големина 0 и тоа е во ред за мене. Едно нешто што можам да ви ветам е дека никогаш не ги фотошопирам моите фотографии и се гордеам што никогаш не сум си направила никаква пластична операција. Нема ботокс, нема филери, нема мини операции. Буквално ништо. Јас сум 100% природна и 100% Линдзи.
Па, до сите кои се чувствуваат непријатно или тажно поради нивниот изглед: останете силни, останете здрави и сакајте се без оглед на тоа што велат хејтерите.
Специјална благодарност до оние кои се позитивни и ме поддржуваат... да продолжиме да ја негуваме културата на позитивност кон телото!
Со ваквата постапка, Вон поттикна бран охрабрувачки коментари.
