Најстариот брачен пар на светот ја прослави својата 90-та годишнина. 110-годишниот Карам Чанд и 103-годишната Картари Чанд, стапиле во брак на 11 декември 1925 година.
Карам и Картари во моментов живеат во Западен Јоркшир, Англија, но потекнуваат од Индија. Парот има 8 деца, 27 внуци и 23 правнуци.
Еден од синовите на Карам и Картари вели дека здравствената состојба на неговите родители е многу добра и се чувствува благословен што ги има покрај себе толку долго време.
„Да имате 110 години и да бидете толку здрави е огромно постигнување за кој било...“ – рекол Пол. „Многу сум горд со целата моја фамилија која помага да ги одржиме моите родители во толку добра здравствена состојба. Благослов е што сè уште ги имам покрај мене и што сè уште ми кажуваат што да правам“ – додал шеговито тој.
Карам и Картари ги прославија своите родендени во ноември.
