Периодот пред Нова година е време кога сите се навраќаме наназад на целите кои сме ги постигнале, на оние кои не сме ги постигнале и кои допрва сакаме да ги постигнеме. Се сеќаваме на убавите и лошите нешта кои ни се случиле во минатото, како и на лекциите кои сме ги научиле притоа.
Факт е дека додека трчаме кон нови успеси, за сите нас најважно е семејството. Тоа одлично го објаснува Жаклина Писано, која неретко е сметана за „најмодерната баба“ од Србија и која себеси се нарекува „баба која ја сака модата“.
Во еден од најновите постови, 54-годишната блогерка, која сега живее во Италија, се наврати наназад низ годините за да порача дека фамилијата е најважна и дека секој од нас треба да се грижи за неа. Жаклина на Бадник во 2016 година го изгуби синот Стефан во сообраќајна несреќа во Белград и сега вели дека единственото нешто за коешто жали во животот е што не родила повеќе деца. Таа постојано го нарекува Стефан „свој ангел“ и секоја фотографија на Instagram ја означува со хаштагот #rememberstefan.
„Јас сум мајка на Јана, а го изгубив другото дете, синот Стефан, кој загина на
Жаклина со покојниот син Стефан
Жаклина со внуките
Еве го нејзиното предновогодишно писмо, кое пренесува важна лекција:
За мене, декември е месец за рефлексија.
Моето семејство е мој живот и сé останато е споредно по важност за мене.
Има два дена во годината кога најчесто секој од нас се навраќа наназад на нештата – Новогодишната вечер и роденденот. За мене, двете се паѓаат во декември. Пред да зачекорам во Нова Година, се навраќам на најскапоцените лекции кои ги добив од изминатава.
Време е да се навратам и на целиот мој живот. На сé што се случи во изминатите години; какви се моите планови и надежи за следната година; што постигнав во изминатите години; кои беа моите неуспеси и кои беа моите успеси. Колку повеќе стареам, толку појасно гледам дека мојата најголема љубов, инспирација, мотивација... моето најголемо постигнување во животот се:
Моето семејство.
Моите деца и внуци.
Кога ќе се случи голема трагедија, тие можат да нé променат, да ни помогнат да го сфатиме длабокото значење на семејството.
По трагедија, смрт во семејството, нештата никогаш повеќе не се исти – за секоја личност и за секоја врска. Тогаш сфаќаш дека не можеш да ја гушнеш твојата Hermes чанта за да се чувствуваш подобро! Ништо не може да ти помогне да се чувствуваш подобро! Освен, малите рачиња на твојата сакана внука околу твојот врат.
Единствениот начин да продолжиш понатаму е да продолжите заедно, како семејство. Поддржувајте се и сакајте се меѓусебно. Никогаш не знаете што ќе ви донесе иднината, но ако сте таму еден за друг, ќе можете да се потпрете еден на друг и да продолжите понатаму! Заедно!
Сите сме зафатени. Животот се случува. Секогаш ќе има нешто што ќе ни го одвлече вниманието и ќе нé оддалечи од нештата кои треба да ги направиме – работа, реновирање на домот, бркање на тоа унапредување... Не можам да речам дека жалам што сум немала некое од овие. Но...
Гледајќи од оваа точка во животот, ако има нешто што можам да го посочам како мое најголемо каење, тоа би била мојата одлука да имам само 2 деца.
Жаклина слободно може да се нарече модна икона. Нејзините стилски приказни ги следат повеќе од половина милион обожаватели. Погледнете дел од нив:
