Се одржа 26-тото издание на детскиот музички фестивал СИ-ДО, се почувствува еуфоријата и радоста на многу мили деца во салата на Центарот за култура Битола и повторно одекна детскиот џагор и детската песна во Градот на конзулите.
Со препознатливата за сите генерации песничка „Си до, до ре ми“, започна и годинешното 26-то по ред издание на детскиот фестивал Си-До. Денес, овој детски музички фестивал има значајно место во културниот живот на градот, како и кај многу поклоници на овој вид музика, посебно кај најмладите.
На годинешното издание беа изведени 19 нови песни, од кои две од гости од соседните држави Србија и Бугарија, кои го збогатија репертоарот. Песните се од различни жанрови, изведени од деца од различни возрасни групи, а сите дечиња ќе може да ги слушаат на социјалните мрежи и медиумите.
Наредни активности ќе има и во летниот период со летен концерт, а исто така наесен ќе биде аудицијата на која ќе можат да се пријават сите талентирани деца кои сакаат да бидат дел од овај прекрасен детски настан.
СИ-ДО за сите деца!
