Каде и да оди, принцот Вилијам на себе носи сладок рачно изработен накит од неговата ќерка Шарлот.
За време на неговиот престој во Јужноафриканска Република, 42-годишниот принц од Велс беше фотографиран со белегзија на која пишува „Papa“ (Тато). Во интервју, на церемонијата за доделување на наградите „Earthshot“, тој откри дека „белегзијата за пријателство“ му ја направила 9-годишната принцеза Шарлот за еден од концертите на Тејлор Свифт.
„Ова е реликвија од еден концерт на Тејлор Свифт за кој ќерка ми одлучи дека сака да направи белегзија. Таа ми ја подари мене, а јас ѝ ветив дека ќе ја носам и се обидувам да не ја загубам додека сум тука“ – рекол тој.
Принцот Вилијам е татко на уште двајца синови кои ги има со принцезата Кетрин. Тој ги одведе двете постари деца Џорџ и Шарлот на концертот на Тејлор во Лондон на 21 јуни, каде позираше со пејачката и нејзиниот партнер.
