Маж и жена од Англија прославија за 50-годишнината од стапувањето во брак во истата облека која ја носеа на свадбата во 1966 година и мора да признаеме – одлично им стои и денес.
Керол-Ен и Џим Стејнфилд заедно со својата внука Хејли трагале по нивниот свадбен албум, кога ги пронашле невестинскиот фустан и костумот во кои брачните партнери го изговориле судбоносното „Да“.
Хејли била љубопитна дали тие сè уште ќе можат да „влезат“ во старата облека, па ги замолила Керол-Ен и Џим да се обидат да ја облечат. Резултатот бил изненадување за сите. Свадбените аутфити и сега изгледаат како да се кроени за нив.
Свадбата на 71-годишната Керол-Ен и 74-годишниот Џим била на 1 октомври во далечната 1966 година. Тие заедно имаат две деца и шест внуци и тврдат дека тајната за среќен и долг брак е смеата. „Ние имаме различни интереси и хобија, но смеата е тоа што нè прави силни“ – изјавиле среќните партнери.
„Многу луѓе кои присуствуваа на прославата беа гости и на нашата свадба, па затоа беше многу специјално“ – додал парот.
За оваа годишнина, на своите бурми тие додале по две срциња направени од злато кое Џим го имал пронајдено. Кога славеле 25 години од влегувањето во брачните води, Керол-Ен и Џим додале 25 дијаманти на прстените, а додека пак за 40-годишнината тие ставиле по 4 рубини.
