Децата учат од родителите. Доброто воспитување од дома нè оформува сите нас како личности и нè учи како да ги почитуваме другите.
Татко напиша писмо за синот со лекции за да го подучи како треба да се однесува со девојките и совети како да ја пронајде онаа вистинската.
Прочитајте го во продолжение:
Драг сине,
Ми кажа дека си пишуваш со девојка и дека планираш да се сретнете некаде во школото. Сакав да прашам дали е љубовен состанок, но не сакав да те засрамам. Сакав да те прашам каква е. Дали е добра? Дали е паметна? Каква музика слуша? Дали е како мајка ти?
Ова за мене беше премногу одамна за да можам да се сетам. Во една минута сметаш дека девојките се здодевни, а потоа одеднаш, сè што сакаш да направиш е да си во нивно присуство.
Ми се чини како вчера да беше кога единствената девојка која не ти беше здодевна беше мајка ти. Кога се промени тоа? Кога почна да сакаш девојки?
Претпоставувам дека не е важно како или кога се случи. Она што е важно сега е да знаеш што да бараш и уште поважно, како да се однесуваш кога ќе ја пронајдеш.
Кога беше мал, ѝ рече на мајка ти дека сакаш да се ожениш со неа кога ќе пораснеш. Па, сега знаеш дека тоа не е можно. Но, во тоа време сакаше да се ожениш за мама, затоа што таа ги имаше сите квалитети што ги сакаш кај една девојка. Ако тоа е вистина, тогаш треба да ме прашаш МЕНЕ, бидејќи јас сум единствениот кој успеа да се ожени со неа. Јас сум „експерт“.
Знам дека имаш само 12 години. И најверојатно ќе имаш неколку девојки пред да се ожениш со вистинската. Но, мора да научиш од Експертот, за да не губиш време правејќи ги сите грешки кои јас ги направив.
Не примај совет од другарите. Запомни: „Ако слеп човек води слеп човек и двајцата ќе паднат во јама“.
Еве што ми помогна кога ја запознав мајка ти.
Што да бараш кај една девојка:
Побарај некоја што е подобра од тебе. Толку е едноставно. Побарај некоја на која ќе ѝ се восхитуваш, не само поради нејзината убавина, туку и поради нејзиниот ум, нејзиниот став и начинот на кој се однесува со семејството и пријателите.
Кога ќе најдеш некоја која е подобра од тебе, автоматски ќе сакаш да бидеш подобра личност околу неа. Кога ќе се трудиш да бидеш подобра личност, тоа исто така ќе те подигнува.
Ништо друго не е важно. Нејзината раса, етничка припадност, колку пријатели има или колку лајкови може да добие на Instagram. Ниту нејзиниот социјален статус, па дури и нејзината религија. Ништо од тоа не е важно.
Запрашај се ова: „Дали таа ме мотивира да бидам подобра личност?“ ако одговорот е ДА – тогаш ти си со вистинската личност во тој момент.
Кавалерството не е мртво. Биди господин. Држи ѝ ја вратата, помогни ѝ кога носи работи, повлечи го столот за неа, дај ѝ го палтото кога ѝ е ладно.
Има некои детали кои се чини дека се изгубени за вашата генерација.
Еве како да се однесуваш со жена:
- Остави ја прва да избере
Остави ја прва да нарача и почекај да стигне нејзината храна пред да почнеш да јадеш.
- Давај ѝ комплименти
Давај ѝ комплименти за тоа колку убаво изгледа.
- Однесувај се со почит кон нејзиното семејство
Однесувај се со почит кон нејзините родители, дури и кога тие не се во близина. Дури и ако таа е лута на нив, остани со почит.
- Изненади ја со нешто без причина
Изненади ја со цвеќиња, а не преку Snapchat.
- Заштити ја
Пред да заминеш, осигури се дека таа безбедно ќе пристигне дома.
- Секогаш чувај ја безбедна
Оди на надворешната страна на тротоарот кога си со неа.
- Немој да се фалиш кога ќе ја бакнеш
(Дојди и разговарај со мене ако не го сфаќаш ова)
- Смеј ја
А потоа следуваат многу важни работи, како:
- Охрабрувај ја
Поттикни ја да цели повисоко (без разлика дали во школо или во некој спорт).
- Предизвикувај ја
Предизвикај ја да проба носи работи, нови искуства кои ќе ја подобрат како индивидуа.
- Почитувај ги нејзините мислења и одлуки во секое време
Ако можеш да направиш 80% од овие, таа ќе те сака. Направи 100% и таа ќе те сака и почитува.
Еве како не треба да се однесуваш со жена:
- Не кажувај шеги кои ја повредуваат
Не разбирам како некој може да ѝ прави навредливи шеги на својата девојка за да се смее. Знам дека има видеа насекаде низ YouTube и добиваат милион лајкови. Тоа само кажува дека има најмалку милион луѓе таму кои нема да имаат партнер кој вреди. Ти не сакаш да бидеш еден од нив.
- Не кажувај вулгарности
Не кажувај никакви вулгарности насочени кон неа, нејзиното семејство или пријателите. Пред неа или зад нејзин грб. Покажи почит.
- Не ја разочарувај
Ако вети дека ќе одиш некаде или дека ќе направиш нешто, направи го. Не ја разочарувај намерно. Девојките сакаат мажи, а не мали момчиња. А мажите си стојат на зборот.
- Не зјапај во телефонот
Не пишувај пораки. Ако си со неа, фокусирај се на неа, не на технологијата.
- Не лажи и не се криј
Ако направиш грешка, поправи ја. Промени се, подобри се и продолжи понатаму. Ако го практикуваш ова, таа ќе ти прости.
- Не ја омаловажувај
Слично на тоа, и таа може да погреши, но прости ѝ искрено. Никогаш не држи лутина, не ја срами и не ја омаловажувај.
- Не озборувај други луѓе
Дури и ако таа го прави тоа, слушај, но не учествувај. Не ѝ кажувај да не го прави тоа, само дај ѝ до знаење што зборува. Може да се чувствува вознемирена на почетокот, но подоцна ќе те почитува за тоа.
Твојата девојка сега можеби нема да ти биде сопруга, но ако ги следиш советите на овој експерт, ќе изградиш доживотно пријателство. И можеби следната девојка што ќе ја запознаеш ќе биде како мајка ти.
„Љубовта е трпелива и љубезна, љубовта не завидува и не се фали, не е арогантна и груба. Не инсистира да биде на свој начин, не е раздразлива и огорчена, не се радува на неправдата, туку се радува на вистината.“
Те сакам,
Тато
