Решителноста и желбата за подобар изглед ја инспирираа Софи да си го трансформира своето тело. Со напорни тренинзи и дисциплинирана исхрана, таа за само 5 месеци стана фит и сега зрачи со самодоверба.
26-годишната девојка со фитнес вежби ги инспирира своите следбеници на Instagram да бидат физички активни и да вежбаат.
На својот YouTube канал, Софи има објавено видеа во кои зборува за својата трансформација. Таа тврди дека во слабеењето ѝ помогнал популарниот режим на исхрана „повремено постење”.
Оваа диета вклучува консумирање на храна исклучиво во 8 часа од денот, а во останатите 16 часови се „гладува“. Нема специфични ограничувања на одредена храна, туку важен е периодот кога се внесува.
