На 5 февруари, жителите на Бутан со огромно задоволство ја дочекаа веста за раѓањето на нивниот принц. Доаѓањето на свет на првото дете на кралицата Џецун Пема Вангчук и кралот Џигме Кесар Намѓел Вангчук беше соопштено на Facebook.
Покрај бројните честитки и добрите желби на социјалните мрежи, малиот принц доби уште еден подарок – 108.000 дрвја засадени во негова чест.
Секое од 82-те илјади домаќинства засади по едно дрво, додека останатите 26.000 беа засадени од волонтери.
„Во будизмот, дрвото е давател и хранител на сите форми на живот. Тоа симболизира долговечност, убавина и сочувство. Секоја фиданка содржи молитва и желба од личноста која ја засади за Неговото Кралско Височество Принцот за тој да порасне здрав, силен, мудар и милосрден“ – рекол координаторот на иницијативата.
Бутан се прослави со својата практика на садење дрвја во 2015 година, кога жителите поставија Гинисов рекорд, засадувајќи 50.000 дрвја за само еден час.
Кралот и кралицата на Бутан стапија во брак во октомври 2011 година, а во ноември минатата година објавија дека очекуваат машко дете.
