Мајчинската љубов навистина не познава граници. Ова го потврдуваат неколку неверојатни слики, на кои е покажано како мајка верверичка напаѓа куче за да го спаси своето бебе.
Кучето се обидува да си ја задоволи љубопитноста за малото вервериче, кое најверојатно паднало од дрвото.
Но, мајката смета дека однесувањето на кучето не е добронамерно и веднаш преминува во акција за спасување.
Храбрата мајка со своите нокти и заби го напаѓа љубопитното куче, додека малото вервериче успева да избега на сигурно.
Семејството повторно е обединето, а кучето збунето стои под дрвото обидувајќи се да сфати што му се случило.
