Идентичните близначки Британи и Бријана се омажија за идентичните близнаци Џош и Џереми пред две години, а нивната љубовна приказна го обиколи светот.
Сега, среќните сестри истовремено се бремени, а оваа вест ја соопштија преку интересна фотографија инспирирана од популарниот филм „Чувари на плажата“.
„Погодете што? И двата пара очекуваат бебенце. Возбудени сме и благодарни што бременостите ни се поклопуваат и што ја споделуваме оваа вест со вас. Нашите деца не само што ќе бидат братучеди, туку генетски повеќе како родени браќа и сестри. Едвај чекам да се запознаат меѓусебно“ – пишуваат близначките.
Џереми и Џош ги запросија своите сакани заедно, на свадбата невестите носеа идентични венчаници, а младоженците идентични костуми, а сега ќе имаат можност и заедно да ги растат своите деца.
