Сенди Хејзлип и Ели Емби и во деветтата деценија го живеат животот со полни гради. 81-годишните другарки од Тексас заминаа на пат околу светот и за 80 дена ги посетија сите седум континенти.
Во само два и пол месеци, тие поминаа 18 држави.
Нивната авантура започнала на 11 јануари од Далас. Целото патување го испланирале тие самите, а дел од местата кои досега ги посетиле се Бали, Јапонија, Антарктикот, Непал, Индија, Египет, Занзибар, Италија, Австралија, Чиле и Аргентина.
Двете пријателки си поставиле неколку правила за патувањето: Да не патуваат со прва класа, да престојуваат во мали хотели, да носат со себе само една мала торба, да користат јавен превоз и да не ангажираат туристички агенти.
Првичниот план на Сенди и Ели бил да го започнат патувањето минатата година, но пандемијата ги спречи во реализацијата. Така, „Патување низ светот за 80 дена на 80 години“ се претвори во „Патување низ светот за 80 дена на 81 година“.
Ели и Сенди авантурите им ги посветуваат на нивните сопрузи. „Како и секогаш, сè што правиме го посветуваме на љубовите на нашите животи, Дон и Кели. Ви благодариме што нè охрабрувавте. Ни недостигате и би сакале да можевте да ни се придружите на нашата авантура“ – пишуваат тие на нивниот блог.
На Хамби не ѝ е тешко патувањето, бидејќи е навикната на тоа. Таа работела како документарен фотограф и досега има патувано низ 107 земји. Нејзините фотографии се вклучени во многу списанија и изложби.
Всушност, Сенди и Ели се запознале токму на патување во Замбија и инстантно се поврзале.
