56-годишна жена ги краси страниците на јулското издание на Sports Illustrated, посветено на костимите за капење.
Кејти Џејкобс одушеви со одличната фигура во шестата деценија од животот и беше избрана како една од шесте финалистки на SI Swim Search во конкуренција од илјадници девојки и жени. Таа се пријавила на натпреварот со цел да ги промени стандардите за убавина во модната индустрија и општеството.
Со висина од 160 сантиметри, таа не ги претставува само жените над 50 години, туку и ниските жени.
„Првиот пат кога се пријавив не ја поминав ни првата рунда. Но, не се предадов! Горев од желба да се обидам повторно и да бидам дел од менувањето на начинот на кој општеството гледа на жените над 50 години“ – вели Кејти.
Џејкобс се залага за инклузија на ниските модели во модната индустрија зашто смета дека модата треба да биде повеќе од возраст и висина.
„Нема ниски жени на модните писти, а просечната жена во САД е 162 см. Клиентите сè уште сакаат само високи девојки. Не велам само дека жените над 55 години се важни, туку и дека ниските девојки се важни. Неверојатно е како стигнав толку далеку, а имам 56 години и сум ниска.“
„Мислам дека изгледам подобро во бикини отколку во едноделен костим за капење“ – вели таа самоуверено.
Запрашана која порака сака да ѝ ја испрати на нејзината 13-годишна верзија, таа одговорила:
„Без разлика какви проблеми имаш сега, тие се само привремени и со текот на времето нема да бидат ништо друго освен бледило за идната верзија од тебе. Не се обесхрабрувај ако нештата не функционираат онака како што ти си мислиш, едноставно продолжи понатаму. Ах да, патем ќе бакнеш некои жаби за да го сретнеш твојот принц, само запомни ако квака како патка, значи е патка“.
Нејзиниот изглед се должи на добра исхрана, избегнување на сончевите зраци и тренирање четирипати неделно.
„Не јадам леб, тестенини, бели компири, ориз и месо. Јадам риба и не консумирам шеќер“ – споделува Кејти.
Фотосесијата за списанието била снимена на Туркс и Кајкос.
