Хуманитарка доби гласни аплаузи и пофалби за нејзината работа во Африка. Фотографијата на која Ања Рингрен Ловен му дава вода на прегладнето детенце, кое било оставено од семејството, трогна милиони лица од целиот свет.
Малото момче било спасено откако било напуштено од семејството кое верувало дека тој е вештер. За жал, илјадници лица во сиромашните земји постојано се малтретирани, повредувани или убивани поради тоа што се обвинети за вештерство.
Фотографијата била направена во Нигерија и споделена од Ања која напиша на Facebook: „Избрав да го викаме момчето Надеж засега, сите се надеваме дека ќе преживее.“
Неколку дена подоцна, кога момчето закрепнало, таа ги извести своите фанови за напредокот со нова порака: „Состојбата на Надеж е стабилна сега. Денес има сила да се исправи сам и да ни се смее. Тој е силно момче. Тоа што го гледам како седи и си игра со мојот син е без сомнежи најубавото искуство во мојот живот!“
