Принцезата Кетрин стави крај на мачно поглавје во нејзината битка со ракот. Во емотивна објава на Instagram, таа сподели дека завршила со хемотерапијата.
На официјалниот профил на Принцот и принцезата од Велс, беше објавено видео од семејни снимки, заедно со пораката:
Како што наближува крајот на летото, не можам да ви кажам колкаво олеснување е што конечно ја завршив хемотерапијата.
Последниве 9 месеци беа неверојатно тешки за нас како семејство. Животот кој го знаете може инстантно да се промени и ние моравме да пронајдеме начин да навигираме низ бурни води и непознат пат.
Ракот е комплексно, страшно и непредвидливо патување за сите, а особено за оние кои ви се најблиски.
Пред сè ова нè потсети мене и Вилијам да размислиме и да бидеме благодарни за едноставните, но важни нешта во животот кои многу од нас ги земаат здраво за готово. Како тоа да сакаш и да бидеш сакан.
Сега фокусот ми е на тоа да останам без рак. Иако ја завршив хемотерапијата, мојот пат кон заздравување и целосно опоравување е долг и морам да продолжам ден по ден.
Со нетрпение чекам да се вратам на работа и да преземам уште неколку кралски должности во следните месеци кога ќе можам.
И покрај сè што се случи, влегувам во оваа нова фаза на закрепнување со обновено чувство на надеж и ценење на животот.
Со Вилијам сме многу благодарни за поддршката која ја добивме и влечеме голема сила од сите кои ни помагаат во ова време. Добрината, емпатијата и сочувството од сите нè прават понизни.
До сите кои остануваат на нивното патување со рак – Со вас сум, рамо до рамо, рака во рака. Од темнината може да излезе светлина, па дозволете ѝ на светлината да блесне силно.
На Кетрин ѝ беше дијагностициран рак по операцијата на стомакот на почетокот на годината. Сопругата на принцот Вилијам примаше хемотерапија како превентивна метода за спречување на ширење на болеста.
