Каролина, Калиопи, Тамара, Игор... Македонските јавни личности со постови за трагичниот масакр во Белград

Голема трагедија ја обви Србија во црно. 14-годишен ученик од Белград со огнено оружје уби осум деца и еден чувар во основното училиште „Владислав Рибникар“ во Врачар, а повреди уште најмалку седум лица.

Масакрот во српскиот главен град го шокираше регионот. Момчето им го одзеде животот на седум девојчиња и едно момче, а останатите се борат за живот.

Според српските медиуми, момчето било исмејувано во училиште и предвреме имало направено список на деца кои планирало да ги убие. Целата ситуација ја планирало еден месец, а претходно се заканувало дека ќе фрли бомба во школото.

Пиштолот со кој се извршани убиствата бил во сопственост на таткото на момчето. И двајцата се уапсени од српската полиција.

Македонските јавни личности не останаа рамнодушни на ситуацијата кај нашиот северен сосед и објавија постови на социјалните мрежи.

Каролина Гочева

Тамара Тодевска

„Нема зборови со кои може да се опише денешниот грозоморен чин во Белград. Тоа што се случи во белградското основно училиште е „аларм“ за сите нас: родители,просветни работници, педагози, институции... Искрено сочувство до семејствата на жртвите, а на повредените им посакувам брзо закрепнување“- напиша Тамара.