Тамара Тодевска беше поканета да настапи на приемот по повод 4 јули во Амбасадата на САД во Скопје и ја доби честа да ја испее македонската химна пред присутните.
На настанот, 34-годишната пејачка изостави дел од денешна верзија на химната усвоена во 1991 и додаде стихови од старата химна.
По нејзината изведба следуваше лавина од критики од јавноста.
ВИДЕО
(Настапот на Тамара започнува на 2:30 во видеото.)
Делот „Гоце Делчев, Питу Гули, Даме Груев, Сандански!“, го замени со дел од старата оригинална верзија на химната „Старо младо машко и женско, на нозе се кренало!“, а во делот каде се пее „Горите Македонски шумно пеат, нови песни, нови весници!“, Тамара испеа „Не плачи Македонијо мајко мила, Крени глава гордо високо“.
По морето негативни коментари, Тодевска на социјалните мрежи јавно им се извини на македонските граѓани. Ова е нејзината порака:
Од Амбасадата на САД напишаа: „САД има длабока почит кон традициите, историјата, хероите и иднината на нашиот пријател, партнер и сојузник Северна Македонија. Им благодариме на нашите пријатели и колеги што синоќа го прославија Денот на независноста со нас. Разбираме дека во емотивните моменти грешките може ненамерно да се случат, но им благодариме на нашите пејачки за нивните прекрасни изведби.“
