Џиџи Хадид го доби признанието „Жена на годината“, кое го доделува списанието Glamour.
22-годишниот модел се појави на манифестацијата во златен фустан со долги ракави од колекцијата висока мода есен/зима 2016 на Зухаир Мурад.
На црвениот тепих Џиџи беше придружувана од нејзината мајка Јоланда, сестрата Бела и братот Анвар.
Во својот говор, Џиџи рече: „Мислам дека мојата најголема одговорност, додека стојам тука, е кон младите жени кои гледаат. Сакам да ви кажам дека само затоа што стојам тука, примајќи ја оваа награда, не значи дека имам сфатено сè во животот. Благодарна сум за секоја можност, но тоа не значи дека секојдневно се будам како Џиџи која светот очекува да бидам.“
„Ако не се чувствувате силни секој ден, тоа е во ред и е нормално. Секој ден нешто ново може да ве инспирира и мала мисла, идеја или постапка може да го промени правецот во кој ќе се движи вашиот ден, вашата недела, вашиот месец, вашата година. Не сте сами и никогаш не сте заглавени, независно од тоа колку потиштено се чувствувате.“
