Адел е многу заштитнички настроена кога станува збор за приватниот живот, но одвреме-навреме им дозволува на фановите да ѕирнат во него.
Музичката дива сподели љубовни фотографии со нејзиниот сакан Рич Пол. На првата фотографија, двајцата стојат пред голема куќа и во рацете држат клучеви, со што ги потврдија гласините дека купиле имот и дека живеат заедно.
„Времето лета“ – пишува во описот на мини-албумот на популарната пејачка.
Една од фотографиите прикажува изненадување кое Адел го доби за Св. Валентин. Имено, 40-годишниот спортски агент креираше ресторан за брза храна во кој секој бургер беше именуван по албум на Адел.
Адел пред неколку дена го прослави 34-титот роденден и го одбележа со споделување на две фотографии и пораката „Никогаш не сум била посреќна. Толку многу лекции, толку многу благослови за кои сум благодарна. Вака изгледа 34 и ми се допаѓа тука.“
