Јелена Томашевиќ и Иван Босиљчиќ беа дел од славните личности кои присуствуваа на 20-годишнината од постоењето на продукциската куќа на Жељко Јоксимовиќ, „Minacord“.
На забавата, 41-годишната српска пејачка пристигна со 45-годишниот актер и заедно позираа на црвениот тепих, а подоцна им се придружи и Жељко.
Јелена сподели фотографии на социјалните мрежи за да му се заблагодари на својот колега што верувал во неа уште од почетоците на „Minacord“.
„Драг Жељко, среќни да ти бидат првите 20 години од Minakord. Мојата прва издавачка куќа и нејзиниот прв проект, песната ‘Jutro’. Многу убави работи создадовме заедно! Ти благодарам за верата која ја имаше во мене уште пред 20 години и за сите преубави песни кои ми ги напиша ‘Panta rei’, ‘Košava’, ‘Med i žaoka’, ‘Oro’, ‘Okeani’, ‘Noćas dodji mi’, ‘Ako opet odlaziš’, ‘Jutro’... Ќе продолжи“ – напиша таа.
Јелена позираше и со ќерката на Жељко, Мина, а на сцената настапи со Ацо Пејовиќ.
