Кралицата на поп музиката планира голем камбек. Мадона напорно работи за да ја воодушеви прогнозираната 100-милионска публика на претстојниот Супер бол.
На прес-конференцијата која се одржа во Индијанаполис, тешко беше да не се забележи дека 53-годишната пејачка е во топ физичка форма. Разголувајќи ги мускулестите раце и истакнувајќи ја тенката половина, Мадона покажа дека е подготвена повторно да се искачи на врвот на музичката сцена.
Пред собраните новинари таа призна дека има малку трема за нејзиниот настап на полувремето на големиот американски спортски настан и објави дека ќе изведе три стари песни како и новиот сингл „Give Me All Your Luvin“.
Многумина велат дека Мадона е зависна од вежбањето, но во неодамнешно интервју таа сподели дека сега не вежба како порано и дека е во фитнес сала само по час и половина, пет дена седмично.
„Да ви кажам искрено, не вежбам толку многу како порано, намалив до час и половина, пет дена седмично. Имам четири деца, имам пет работни места“ – изјави таа во интервју за Андерсон Купер.
Синоќа за време на шоуто American Idol премиерно беше објавен и дел од музичкиот спот на Мадона заедно со Ники Минаж и M.I.A. за „Give Me All Your Luvin“.
